Vave na agai le toatele e sue avanoa i vaalele ao loma le 15 o Tesema

E le’i leva na uma le faasalalauga o le tatala o tuaoi o Aukilani, ae agai le toatele e sue avanoa i faigamalaga a le Ea Niu Sila

O le sau o le tala o le aso 15 o Tesema lea o le a tatala ai feoaiga e kolosia tuaoi o Aukilani mo tagata ua faia tui poo le faailoa foi e negative siaki o le Koviti, na faga ai i luga i le 250% faaopoopo tagata agai i upega tafailagi a le kamupani vaalele

O nofoaga na tele ina taulia pepa malaga o le va lea o Aukilani ma Queenstown, Aukilani ma Kalaiesetete, faapea ma Aukilani ma Ueligitone

O le amataga o le masina nei lea na faailoa mai ai e le pule sili o le kamupani vaalele, Greg Foran o le a moomia le faamaoniga ua faia tui o le Koviti poo le faamaoniga e negative faaiuga o siaki ae e lei oso i le vaalele

O lea foi e aloaia i le aso 15 lea e tatala ai tuaoi o Aukilani lea faaopoopoga mo pasese amata mai le 12 tausaga agai i luga

O le toe tasi le minute i le 12 i le po o le Aso Lua, 14 o Tesema lea ua faailoa mai o le a aveesea ai sa o tuaoi o Aukilani o loo iai nei

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required