Ua faailoa ai e le Minisita o Tupe o le malo tausi, o le lelei ona faasoasoa o tupe maua i totonu o le atunuu faapea le taofiofi o le toe faia o ni aitalafu a le malo i fafo i le fā tausaga na amata mai i le tausaga 2021 se’ia oo mai i le 2025, o le mafua’aga lea o le saofa’i o le tamāoaiga o Samoa i le tulaga lelei ua iai nei.
O loo fua e le minisita lea tulaga lelei o le tamāoaiga i le tasi tesimale 2 piliona o le tala autū o le tupe na teena e le Palemene, ma le 15 masina le umi ua iai tupe teu faaagaga i fafo poo foreign reserves.
O se faigāmalo o le a filifilia e le atunuu i le mae’a o le palota tele i le masina fou o Aokuso ua faaalia e le Minisita o Tupe le afioga Lautimuia Afoa Uelese Vaai, o le a ulufale atu ma le mautinoa o loo tulaga lelei tupe maua ma tupe teu faaagaga auā le latou faasoa.
Le afioga Lautimuia Afoa Uelese Vaai o le Minisita o Tupe o le malo tausi.
