Ua valaau nei i latou o loo aotauina i tulaga faafomai ina ia siitia le trainee intern grant e fesoasoani i le faamae’aina o aoga aemaise i faailoga tikeri.
Lipotia e le Newstalk i le aso ananafi lea valaau mai le asosi o tamaiti aoga Niu Sila i le tomai faafomai, le NZ Medical Students Association, ina ia maua se fesoasoani i le mataupu lea aemaise ua alia’e ai ma popolega i le toatele e ono lē mafai ona faataunuuina tulaga tau aoaoga ona o luitau tau tupe.
O le tali a le matagaluega o aoga ua ta’ua ai latou te faamauina le manatu faaalia mai tamaiti aoga i le tulaga lea ae o le grant poo le fesoasoani e pei ona ta’ua e lagolago ai ma fesoasoani i le taimi o le aoga.
Talu mai le 2006 sa taumafai malosi ai faigamalo a le atunuu e faatonutonu le aofai o tupe e faaalu e fesoasoani ai i tamaiti aoga ua faaiuiu taumafai i suesuega faafomai ma agai ai e faigaluega e amata faataitai i le matata faafomai ae faaaogā ai le grant lea e totogi ai.
O loo faaauau pea feutanaiga i lea mataupu.
