Ua lipotia i le ABC i le asō le maua mai o se lapataiga a le Palemia o Ausetalia, Anthony Albanese mai le Palemia o Niu Sila, Christopher Luxon e tauala mai se telefoni i le va o ta’ita’i e toalua, e faatatau i fuafuaga e toe tusia lelei poloaiga e faatatau i tagata Niu Sila e toe tipoti ese atu ma Ausetalia.
Fai mai le lipoti sa faailoa le lē fiafia o Luxon i le mataupu lea o le Direction 99 lea na muai faatino e le Minisita o Femalagaa’iga a Ausetalia o Andrew Giles i le taumafaiga lea e faafilemu le mataupu ma Niu Sila e faatatau i tagata Niu Sila ua toe tipoti ese atu e Ausetalia ona o soligatulafono ogaoga e iai o le soifuaga atoa o ia tagata sa soifua ai i Ausetalia.
Sa faamaonia e Albanese o le a toe silasila i le toe tusia o ia tulafono ae na ia faailoa foi i le faatalanoaga ma le ABC, ua silafia e Luxon le finagalo o Ausetalia i le mataupu lea ae e fai lava e Ausetalia ana ia faiga faavae.
Puna o Faamatalaga: https://www.abc.net.au/news/2024-05-31/new-zealand-pm-calls-albanese-over-criminal-deportation-change/103917638
