O se kulupu o loo fai ma sui o le silia i le 9 afe o fomai, ua o latou tusi atu i le Palemia ma unaia ai le malo ina ia suia o latou finagalo ma faataatia ese fetuunaiga ua fuafua e faia i le tulafono o le taumafa tapaa.
O le fuafuaga a le malo e pei ona faailoa atu i isi tusitusiga ua tuanai, ina ia toe faatulaga le Smokefree Environments and Regulated Products Amendment Act 2022 lea sa fuafua e aveese uma mai ai le faatauina o tapaa mai dairies, faaitiitia le nicotine i totonu o le faaitu lea ma faasā ona faatauina se tapaa i se tagata na soifua mai i le mae’a o le aso 1 o Ianuari.
O le Council of Medical Colleges o loo finau mo fomai faapitoa e toa 34 faaopoopo ane ai ma le Maori Medical Association ma le Health Coalition Aotearoa ma o latou tuuina atu ai le tusi lea i le Palemia.
O loo mananao i latou ia ia faatuina se pili e tuu atu i le komiti filifilia a le Palemene e toe tuu ai se avanoa e mataitu ai ma le toto’a lea faiga faavae.
