E toalua ua vaeluaina ai le faailoga muamua o le Powerball na se’iina i le po anapo i Ausetalia nei, o lona uiga e tai 100 miliona a le tagata e pei ona faamaonia mai e le ofisa o le Lotto.

Fai mai o le isi pepa sa faatauina e se ulugalii mai Singleton pe ā ma se itula mai Newcastle i Niu Sa Uelese ma le isi pepa e lē mailoa poo ai ua manumaloina ae na faatauina i Kuiniselani.

O molimau a le ulugalii mai Singleton e foliga o le a faaauau pea ia la galuega e fiafia iai e ui ua avea nei i laua ma milionea.

O le faailoga lona 2 e toa 22 tagata na manumalo ai ma maua ai le tai 177 afe a le tagata.