Ua lipotia o lea ua vaavaai le matagaluega o aoga i consultants poo tagata mai isi pisinisi e faia galuega a lana aufaigaluega lea e o i le vāea.

E 755 avanoa faigaluega e aofia ai le 316 e lē o galueina pe iai ni tagata o faia galuega i le taimi nei o lea ua vaavaai le matagaluega o aoga e o i le vāea ina ia faafeiloaia ai le sini o loo tuli poo tupe faasao nei na faatonuina mai e le malo.

Peitai lipotia e le leitio a Niu Sila o lea ua agai i tua i pisinisi e ofo iai avanoa faakonekarate ma o nei galuega e taulai lea i le a’oa’oina o faiaoga e faaaogā ai le structured literacy lea na muai faailoa mai o loo manao le malo e faaaogā mo le a’oa’oina o fanau.

I lipoti lava nei o loo toe tali mai ai sui o le matagaluega o nisi o pisinisi nei o lea ua o latou toe faafaigaluegaina tagata mai le matagaluega lea ua vāea, peitai a talanoa i tupe faaalu, o pisinisi nei e faaluaina le tau e totogi ai mo galuega faakonekarate faapenei.

O le asō e feiloai ai sui o le matagaluega ma pisinisi e faatatau i konekarate nei.

Puna o Faamatalaga: Public sector cuts: Education ministry prepares to use consultants | RNZ News