I se lipoti lata mai o le tama aoga mai Melepone na aveina atu i talafou ananafi o loo tau sailia e leoleo ma lona aiga, ua alia’e ai i le asō se faamatalaga mai leoleo o lea na vaaia i Sini.

O Krishank Karthik na aga’i ese mai ma lona aiga i Truganina i le Aso Gafua ma lei toe foi ane ai lava.

I le mae’a o lipoti na alia’e i le social media ananafi i le tau sailia o lea alii talavou ua maua ai e leoleo faamatalaga na vaaia e nisi i Cleveland St i Surry Hills i Sini a o lei tāina le 5 i le vaveao o le aso 6 o le masina nei.

E maofa lo latou aiga i le mea ua tupu ma taumate le mafuaaga ua aga’i ese mai ai.

Ta’ua e lona aiga o se tamaititi lelei tele i le aoga.

O loo iai pea le talosaga a leoleo i se isi e silafia nisi faamatalaga i lea talavou ina ia fesoota’i ane ona o loo mafatia si ona tina ma aiga.

Puna o Faamatalaga: https://www.9news.com.au/national/familys-appeal-after-16-year-old-disappears-in-melbourne/9af4f509-1f80-4e31-aa0e-be0825bfeb53