Moana Pasifika

unconditional licence mo le Moana Pasifika

E manatu le faiaoga o le au a Tonga, Toutai Kefu ua talafeagai lelei le alii o Aaron Mauger e avea ma faiaoga o le Moana Pasifika ile taamilosaga o le Super Rugby lea ua faamautuina lo latou auai ai ina ua faamatuu iai le laisene, unconditional licence e auai ile taamilosaga o le tausaga fou. 

Lipotia e le RNZ Pacific e le taumate o Mauger lea o le a taitaia le au a le Pasefika ile taamilosaga faatasi ai ma le fesoasoani iai a Filo Tiatia o le faiaoga lagolago.

O le faamatuu ane o le laisene lea e aunoa ma nisi tuutuuga o lona uiga o le a mafai nei onna amata faamautu tulaga uma o le franchise e faatatau I le faiaoga ma tama taaalo.

O loo faatalia pea le faamautuina o le laisene mo le au a Fiti le Fijian Drua ma o loo galulue pea foi le Lakapi Niu Sila ma Ausetalia ile faamautuina o nisi o fetuunaiga mo le taamilosaga ile tausaga fou. Ae manatu foi le alii o Kefu mo se sao o Tonga e manaia foi le aofia ane ai o nai tama taalo mai Tonga pei o Malakai Fekitoa ma Charles Piutau ae fua lava foi I le seleni o loo avanoa ane e faaaoga e le Moana Pasifika.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required