Ua unaia tagata Ausetalia ia lava le onosai ao taumafai le faigamalo a le Feterale ma le setete e tali atu ile tele o le mau mataupu e faatatau ile koviti 19 i totonu o le atunuu.

O le vaiaso nei na faia ai le uluai fonotaga a le kapeneta aoao mo lenei tausaga ma ua faatulaga mai ai ma nisi o suiga ua amata faamamalu.

Na faamanino e le palemia e teena e taitai o setete le tufa fua o rapid test kit mo tagata uma ae ua ioeina nei le faia fua o tests mo le silia ma le 6miliona o tagata e iai concession cards.

Ua faamanino foi e le malo o faleoloa e faamaonia le tasii maualuga o le tau e faatauaina ai rapid tests ia, silia ma le 20 pasene e ono feagai ma se faasalaga e oo atu i le 66 afe pe oo atu i le 5 tausaga ile falepuipui.

Ua malilie foi taitai o le atunuu o le a nao le tasi le pusa tui e iai totonu a le lua pe lima tui efaatau ile taimi e tasi. Fai mai Morrison o le vairusi lenei o le a faaauau pea ona ia luitauina tagata ausetalia , e manaomia lava la le lava o le onosai.