A toe susue i tua i le tele o tausaga ua alu sa avea ai le laau o le koko ma se tasi o laau tau faatoaga sa lelei seleni sa maua ai a le aufaifaatoaga koko, ae sa lelei ai foi tupe e tafe atu i le tamaoaiga o le tatou atunuu, ua lē o toe tutusa ma nei aso.

Peitai e lē o nofoai ai le Malo i le unaia pea o le atunuu aemaise le aufaifaatoaga e toto le koko ona o loo lelei tele le tau i maketi i fafo.

O le autu lea o se aso faalauiloa ua faaigoaina o le Koko market day o le a faia i le Aso Faraile nei i le nofoaga o le pulega o tagata tafafao i le eleele fou.

Ua faailoa i se pepa o faamatalaga o se taumafaiga lenei o loo taulamua ai le nofoaga o suesuega faasaienisi le SROS.

O le a faatino i lea polokalame ni aoaoga ma faatalanoaga e fetufaa’i ai tomai ma silafia o tagata i le atinaeina o le koko.