Ua fautuaina ma o loo una’ia tagata Pasefika ia aga’i e fai tuipuipui o le tale vivini.
O se finagalo lenei o le alii polofesa lauiloa ia Sir Collin Tukuitonga a o faatupula’ia ai tagata e maua i le tale vivini i Niu Sila.
O le vaiaso talu ai na faailoa mai ai e le soifua mālōlōina le silia ma le 260 tagata faamaonia i le tale vivini i totonu o le 4 vaiaso, ma i faamaumauga e to’atele tagata Pasefika ua faataotolia ai i le falema’i.
O le naunauta’iga o Tukuitonga ia malupuipuia tagata Pasefika e lē gata i Niu Sila ae o le pepesi atu i isi atunuu.
Ua sau ai i le mae’a sau o lipoti ananafi mai le matagaluega a le soifua mālōlōina i Samoa ua faamaonia le pepe 7 vaiaso le matua i le tale vivini.
O se faamaoniga ua sau ai i nai aso talu ona faailoa faalaua’itele e le matagaluega a le soifua mālōlōina i Niu Sila le faaopoopo o tagata ua maua i le tale vivini i Niu Sila.
Fai mai Tukuitonga, e lē o mautinoa i le taimi nei pe faamata na pesia atu i Niu Sila le pepe ua faamaonia i Samoa, ae pau le fautuaga i tagata Pasefika, ia aga’i e fai tuipuipui o le tale vivini.
Puna o Faamatalaga: Pasifika public health expert urges communities to get immunised against whooping cough | RNZ News
