Ua unaia mai pea e le faatonu o le Soifua maloloina lautele, Dr Ashley Bloomfield le atunuu ina ia faaauau pea ona faia talifofoga aua ua tulata foi le tau o le fulū ma ao lei oo mai le koviti e pe a ma le 500 tagata Niu Sila na maumau ai soifua ma taofia ai le silia ma le 2 afe o tagata I le falemai I tausaga taitasi.
Peitai ile lua tausaga talu ai e foliga e lei aliali lava le fulu I le komiuniti sei vagana i tuaoi o le atunuu.Peitai o le popolega pei ona faailoa I lipoti ona e ono mamafa atu se aafiaga I tagata I le taimi nei ona ua faaitiitia foi le immunity I tagata atoa ai ma le faaopopo o tagata malaga mai mai atunuu I fafo, ui mai I tuaoi o le atunuu.
Fai mai Bloomfield o le popolega lea ona e ono aafia tagata Niu Sila ile fulu aua o lea ua oo I lona tau ae o loo faaauau pea foi ona faataamilo le vairusi ole omicron ile atunuu, ua unaia ai pea tagata e lelei ona faia pea talifofoga e puipuia mai ai. Ua faailoa foi e le faatonu o le faamama poo le tatala foi o nisi o aiaiga o le faamai ile taimi nei e ono vaaia ai seisi oso maualuga I le aofai o cases ile atunuu.
O nisi foi finagalo faaalia o tagata suesue i faamai ma o latou aafiaga o loo aliae ai le popolega lea pe faamata o le a se aafiaga ao se ogaoga foi e oo iai pe afai ae lavea le tagata I le fulū ma toe aafia foi I le koviti 19.
