COVID vaccine

Umi se taimi faatoa mautinoa ua aoga tui o le Koviti

Pe a ma le masina atoa talu ona faia lou uluai tui o le Koviti, faatoa amata ona mautinoa lona aoga

O le sau o le ripoti o le tagata faigaluega I luga o vaalele a le Ea Niu Sila I nai aso faatoa uma ona fai lona tui muamua, ua sau ai ma le fesili I le mafai e tetee atu ai e le vailaau le vairusi

O loo teena e le soifua maloloina tala ua ala ona maua e lea tagata faigaluega le vairusi ona o le tui

Molimau ai Helen Petousis-Harris o se tasi o tagata suesue faapitoa, e le vave ona puipuia mai le uluai tui, e umi se taimi, ma ua saunoa ai Helen poo le fa vaiaso e maea ai le uluai tui ua uma foi lea ona faia o le tui lona lua faatoa mautinoa ua uluulu le vailaau e tetee atu ai I le siama

O le aso 28 o Fepuari lea na taunuu mai ai mai Iapani lea tagata faigaluega I luga o vaalele, ae aso 3 o Mati faia lona tui puipui, fa aso mulimuli ane ae maua loa ua faamaonia lona siaki o le Koviti

Ese mai I le umi ona faatali le aoga o le tui, o le aliae mai ai foi o lea case, ua agia ai ma popolega o tagata suesue faapitoa I le tulaga e le o faanofoesea ai nei tagata galulue

E tusa ma saunoaga a le sooupu a le kamupani vaalele, e le o iai ni aiaiga mai le soifua maloloina o faamalosia ai le tatau ona faanofoesea o nei tagata galulue, peitai e na o siaki o loo tatau ona faia

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required