Umi atu ona taofia tagata Pasefika ma Maoli i maota gasegase ona o le koviti.

O faamaumauga mai le Northern Region Health Coordination Centre ua faamatuu mai I le RNZ i lalo o le Tulafono o Faamatalaga Aloaia le Official Information Act ua iloa ai e 704 tagata na aafia ile koviti 19 na taofia i maota gasegase mai le va o le aso 17 o Aukuso ma le 18 o Novema ole tausaga nei, ua faamauina ai e oo atu ile 61 aso le umi na faataotolia ai i Aukilani ma Northland ma o le toatele o gasegase ia o tagata Maoli ma le Pasefika.

Fai mai le lipoti e 309 gasegase Maoli ma le 295 o gasegase mai le Pasefika, 36 gasegase Asia ma le 64 mai isi tupuaga. Ua taua ai ua matauina e le matagaluega tulaga maaleale I komiuniti pei ona taua aemaise o le toatele o aiga e tau fai eseese uma manaoga tau le soifua maloloina.

Ua faamatamata tetele ai le faatulagaina e le matagaluega o le 36 miliona ua faagaaga I le soifua maloloina a Maoli ma le Pasefika ile toe pepesi mai o le faamai ile taimi nei.Fai mai le sooupu a le Matagaluega e faaopoopo atu I nei faaputugatupe o loo iai pea ma le naunautaiga ina ia galulue faatasi ma nisi o paaga mo le malu puipuia o komiuniti a Maoli ma le Pasefika.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required