Ua tatau ona faamalosia le iai o meapueata e iloa ai le solomuli o le taavale faapea faailoilo ua ta’ua o beeping sensors i totonu o taavale uma i totonu o Niu Sila.
O se talosaga ua sau ai i le mae’a maliliu o fanauiti Aukilani e toalua i driveways i le vaiaso talu ai.
O le taeao o le Aso Lua o le vaiaso talu ai na lipotia mai ai le tala faanoanoa i Saute o le aai i Waiuku, ma e faapea e i lalo ifo o le 4 tausaga le matua ma o lea na maliu ai lava i le nofoaga na tupu ai.
Sau ai i le Aso Toonai faatoa uma atu na lipotia mai foi le isi tamaititi o le matua lava lea i le isi foi driveway i Karaka.
I lipoti a leoleo o loo ta’ua ai o fale lava o aiga lea na tutupu ai, ma i faamaumauga o Niu Sila le atunuu ua faamauina le toatele o fanauiti e maliliu i faalavelave faapenei e tulai mai i auala taavale a aiga, lea e tusa ma le toalima i totonu o le tausaga e maliliu ai, ae toalua i totonu o le lua vaiaso fanau e manunu’a.
Ua fai mai ai ma se tasi o loo taulamua i faalauiloa o le saogalemu i luga o alatele, Clive Matthew-Wilson i tala a le Newshub, ua tatau ona faamalosia meapueata faapea sensors e iloa ai le taimi e solomuli ai le taavale i totonu o Niu Sila.
Puna o Faamatalaga: Calls for compulsory reversing cameras, sensors after preschoolers’ driveway deaths | Newshub
