Ua faailoa i se finagalo o le Minisita o loo iai le vaaiga o le Kamupani Vaalele a le Samoa Airways o le faamata’u mai a le Kamupani e ana le vaalele 737-800 ua taofia e le faigamalo fou le lisi o aga masani ia o feutagaiga i faiga faapisinisi.
Ua faaalia e Leatinuu Wayne Sooialo o loo nofo sauni foi loia a le Mālō e tali atu i le ma’ema’e ma le malosi o le sausau a le finau o le Kamupani e ana le vaalele e pei ona afioga ripoti i le vaiaso ua mavae.
Taua e Leatinuu “Ia o aga a lena o tulaga tau pisinisi lea ua iai, o’u te talitonu e tatau a ona tali mai i se tulaga faapena ona a tilotilo a le tatou faigamalo aemaise foi o le Kamupani a le
Samoa Airways aemaise lava le faigamalo i tulaga e tatau ona faasaoina le itu tau seleni ma ia aua foi nei toe tele se gau”.
Faailoa foi e Leatinuu “O le agaga a ia o le tatou faigamalo faafoi faalelei le vaalele ina ia tau feololo ai le gau. Ae o lea foi ua sauni atu le vaega a le atunuu e tali atu i lea mataupu ma auala foi ua mafua ona faataunuu le faaiuga lea ua faataunuu i le taimi nei”.
