Ua lē oo le malaga taamilo faitau tusi a faafāfine na faamoemoe e faia i se taimi o lenei tausaga.
O lea na fuafua le Rainbow Storytime e malaga taamilo ai i Niu Sila, poo le malaga lenei e faitau ai i fanau tusi faatatau i le tauaofia faatasi o tagata ma talia e fanau.
O le lē oo ai o lenei malaga taamilo na faailoa i luga o le Facebook i le vaiaso nei e mafua ma lipotia e le Herald saunoaga a le faatonu o le Rainbow Storytime NZ, Sunita Torrance ua tele mea ua alu ona o solo tetee na faia e lei mamao atu.
O tetee nei na tu malosi ai le faifeau o le Destiny Church Brian Tamaki e taofi lea e aofia ai faitauga tusi na fuafua e faia i Rotorua ma Hastings, ma o lea na faalēaogāina ai e puleganuu a Rotorua faapea Hastings.
E ese mai i lea, o lea foi na faia tetee i Gisborne i le masina talu ai e sui o le ekalesia.
O le mataupu lava foi lenei ua toe molia ai le tamā Aukilani ia Ford O’Connor, o se tasi e aiga i le faifeau, ma o lea ua ioeina moliaga o lona faaleagaina o le kolosi na vali i lanu o le nuanua i K’Road i Aukilani, ma o se tasi e lē o suia lana finau e pei ona fai mai ai i fafo o le fale faamasino, o loo tu mo lana fanau e toafā.
Mai le ekalesia a le Destiny Church, ua polomisi e lē faavaivai la latou finau i le mataupu lenei.
Puna o Faamatalaga: Drag queen reading group Rainbow Storytime cancels nationwide tour amid ongoing protest by Destiny Church leader Brian Tamaki – NZ Herald
