Ua leai se Let’s Get Wellinton Moving
O le poloketi tele lenei a Ueligitone na fuafua ma le faamoemoe e saga faaleleia ai taavale feoai i auala, o auala mo uila vilivae ae faapea auala savali.
Ua mae’a fono le malo, Wellington City Council ma le Greater Wellington Regional Council ma ua sau ai ma le faaiuga e toe faalēaogāina lea poloketi.
Saunoa le pulenuu o Ueligitone, Tory Whanau, o se maliega ua faia mo le agai i luma o le aai ma o lea lava foi na omai faatasi uma itutino nei e tolu ma le iloa e lē mafai ona malo uma, ae o le fetuutuunai.
O se tasi lea o itu na polomisi mai ai lava le National na te lē lagolagoina, ma e faapea foi le ACT.
A o leai ai la i le Let’s Get Wellington Moving ae o lea ua malilie o le a faia le isi tunnel lona lua i Mt Victoria.
O ni suiga e faitau piliona tupe a le malo o le a faasao mai ai.
