Mase Dr Fetuao Toia Alama

Tu’umalo uluai tamaitai na avea ma Failautusi o le Fono Aoao Faitulafono

O le siitia o le tulaga o tina ma tamaitai i Samoa ma le filifilia o le uluai tamaitai e avea ma Failautusi o le Fono Aoao Faitulafono, o se tasi lea o matati’a faamauina i le talafaasolopito o pulegamalo a le atunuu.

O le tofa Mase Dr Fetuao To’ia Fiti Alama o se tina o lona tomai a’oa’oina o se fomai, ae na tusi aao iai le Malo e avea ma Failautusi o le fono aoao i le vaitaimi tonu o loo tapena le pelepesite tele na talia ai e Samoa le palota oi latou uma ua aulia le 21 tausaga. O le Aso Toonai na te’a nei na faamanava ai e le Atua galuega a Mase Dr Fetuao To’ia Fiti Alama ma lagomau ai lava i se sauniga sa faia i lona aiga i Alafua.

E maliu o ia ua 81 tausaga o lona soifua, ae o se auauna e manatua e le toatele i lana auaunaga faafoma’i sa ia laveai ai le soifua o le toatele. O taimi o galue i le ofisa o le fono o se tina sa tu malosi e puipui le mamalu o le Palemene. O ia foi le Failautusi mulimuli o le fono aoao faitulafono sa iai le vaaia o faigapalota e filifilia ai sui usufono o le Palemene. Na aveesea ma faatutoatasi galuega o faigapalota a le atunuu a’o galue pea Mase Dr Fetuao To’ia Fiti Alama o le failautusi seia oo ina malolo litaea. 

Scroll to Top

Keep uptodate with Radio Samoa activity & promotion

* indicates required