E $30 miliona ua tuuina e le Malo i le ACCC poo le Australian Competition and Consumer Commission e fesoasoani ai i le latou galuega i le sailia ma le su’esu’eina o tau taufaasese o oloa i supamaketi i Ausetalia.
O le vaiaso nei ua folafola ai e le Faigamalo lea fuafuaga mo le su’esu’eina e le ACCC o faiga faavae a Supamaketi tetele e pei o le Woolworths ma Coles aemaise lava i oloa o loo faia iai faapitoa.
O isi auaunaga o loo faatino e supamaketi e pei o tulaga faatauvaga i pisinisi o le a silasila foi iai le Regulator.
Ua faia lea faai’uga a le faigamalo a Albanese i le mae’a o le vaiaso talu ai na faailoa e le ACCC le ave i le tulafono o faleoloa tetele ia e lua ona o le tau o loo faatauina ai nisi o a la oloa.
Puna o Faamatalaga: https://www.9news.com.au/national/consumer-watchdog-gets-30-million-dollar-boost-to-monitor-supermarket-pricing/e470e82a-8fbd-4556-9275-588ff9b5f9e8
