Ua aga atu nei se uta o sapalai mo togafitiga mo Tonga ile vaiaso nei ona o le fesoasoani a tama taaalo o le Moana Pasefika. E silia ma le 52 afe tala amerika le tupe na maua I le sailiga seleni sa faia lea na amata mai I le aso 4 o Fepuali ile taaloga a le Moana Pasifika ma le Chiefs ae lei amataina le taamilosaga super rugby pacific.
Faailoa e le RNZ o le tupe lea na faatauina ai le sapalai fualaau ma medical equipments e aofia ai ma PPE gear mo le faamoemoe e tufatufaina I falemai I le motu e aofia ai ma le falemai autu I Nukualofa, Vaiola ma le falemai I Haapai.
O foai na maua ane mai le silia ma le 10 afe o tagata mai vaega eseese o le lalolagi e aofia ai tagata i Iapani,Amerika, Peretania, le atu Kuki ma Niu Sila.Faailoa ai se finagalo o le taitaifono o le Moana Pasifika Trust, Sir Michael Jones, pei ona faailoa I le lipoti, e tulaga ese le aao foai o tagata.
O le uta la ua auina atu ise container ua aga atu mo Tonga ile vaiaso nei.
