Aso Lua 25 o Aukuso, 2026.
O le a faataga atu e Peretania le faamatu’u o tulaga faatekonolosi ina ia mafai ai ona fausia i Ukraine se au’upega fana mamao o le cruise missile tuufaatasia e Peretania ma Farani e fesoasoani ai ia Kyiv i ana tauafaiga e talitali atu i osofaiga a Lusia.
Ua lipotia e le CNN o Paris ma Kyiv lea ua mananao e faatū se auaunaga i Ukraine e fausia ai ia au’upega ao le’i o’o i le faaiuga o le tausaga. Fai mai o le ituaiga auupega lea e mamao nofoaga e mafai ona oo iai ma lona afi o le turbojet e mafai ona alu i le mamao e 550 kilomita ma mafai ona tau’aveina se mamafa e oo atu i le 400 kilokalama.
Ua faailoa foi e mafai ona fesoasoani lea auupega i le tafanaina i lalo o auupega fana mamao mai ia Lusia. E lē o fiafia le Kremlin i lea fa’aaliga pei ona ta’ua e le CNN ma o latou faailoa ai o le faatino e le UK o lea gaioiga ua o latou faaopoopo ai le suau’u i le afi, peitai fai mai le Palemia o Peretania, Andy Burnham, o lo latou saogalemu o le saogalemu foi lea o Ukraine.
Puna o Faamatalaga: https://edition.cnn.com/2026/08/24/asia/britain-ukraine-scalp-missile-technology-intl-hnk-ml
