Search
Fofoga Fetalai
Fofoga Fetalai - Papalii Li'o Taeu Masipa'u

Tuuina atu le mataupu faasaga i sui o le Palemene i le komiti suesue mo iloiloga

I le taualumaga o le fono aoao a le Palemene i le taeao nei na faamanino ai e le afioga i le Fofoga Fetalai Papalii Li’o Ta’eu Masipa’u tulaga ua agai iai le mataupu o le faitioga tusitusia faasaga i sui mamalu o le maota. 

 O lea ua lipotia atu ai lenei mataupu e le Fofoga Fetalai i le fono aoao e faapea i le mae’a ai o iloiloga ua taunuu ai le faaiuga e faapea ua fesiligia tulaga aloaia o le Palemene i lenei mataupu. O lea la e tusa ai ma tulafono tumau 181 (2) o le a tuuina atu ai lenei mataupu i le Komiti o tulaga aloaia ma amio taualoa mo le iloiloina ma le toe lipoti atu i le isi toe tauaofiaga o le fono aoao i le aso e pei ona faatulai ai le lafo. 

Na faatoa faailoa aloaia ai foi e Papalii suafa o sui mamalu o loo aafia i le mataupu e ui ua leva ona faailoa e ofisa faasalalau talu ona faailoa e sui o le vaega faaupufai e Puipuia Aiā Tatau o Tagata. 

E pei ona silafia o lenei mataupu na tauala mai le sui usufono mo le itumalo palota Gagaemauga Nu.1 o le afioaga foi lea i le Sui Palemia Hon. Tuala Tevaga Ponifasio faasaga i le sui usufono mo le itumalo faapalota o Lepā Hon. Tuilaepa Lupesoliai Sailele Malielegaoi ma le sui usufono o le itumalo faapalota o Faleata Nu.3, tofa Lealailepule Rimoni Aiafi. 

O vaega ia ma taiala na faamanino e le Fofoga Fetalai mo le iloiloga a le Komiti suesue i tulaga aloaia ma amio taualoa e aofia ai: 

  1. Silasila i le aafia ma le solia o tulaga aloaia o le fono aoao faitulafono i lenei mataupu. 
  1. Silasila i le aafia ma le solia o uiga lē migao faasaga i le Palemene i lenei mataupu. 
  1. Silasila i le aafiaga o tulafono o pule ma tulaga aloaia o le fono aoao faitulafono 1960 i lenei mataupu. 
  1. Silasila i aafiaga o se sui usufono ua faamaonia o le solia o tulaga aloaia o le fono aoao faitulafono ma uiga lē migao faasaga i le Palemene ona o lenei mataupu. 
  1. Silasila i aafiaga faaletulafono o lenei mataupu i se amioga poo ni amioga e lē tatau ona faia e se sui usufono o le Palemene. 
  1. Le tuuina mai o se faaiuga talafeagai e tusa ai o aafiaga o lenei mataupu  
  1. Ia toe lipoti mai le komiti suesue faapitoa i le fono aoao i le aso fono e sosoo ai. 

Ua mae’a filifilia foi le Komiti suesue o le a feagai ma le mataupu e tusa ai ma tulafono tumau 177 ma o suafa nei o sui usufono ua tofia ma filifilia i le komiti o tulaga aloaia ma amio taualoa 

1. Valasi Vaopitofanua Tafito Selesele fai ma sui o le taitai o le maota 
2. Lautafi Fio Selafi Purcell o le a fai ma sui o le taitai o le Itu agai 
3. Tuu’u Anasii Leota 
4. Faimalōtoa Kika Stowers 
5. Ale Vena Ale 
6. Seuamuli Fasi Toma 
7. Magele Sekati Fiaui 
8. Masinalupe Makesi Masinalupe 
9. Agaseata Valelio Tanuvasa Peto  

Ua pasia ai ma le lafo na faatū ina ia toe lipoti atu le komiti suesue i le mae’a ai o a latou iloiloga i le aso 17 o Me 2022 faasaga i lea mataupu. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required