Ua tuufeanu ma taufaamata’u tagata faigaluega o loo faia auala i Waikato ona o le lē fiafia o avetaavale i le poloka o auala.
O konekarate nei o loo toe faaleleia se vaega o le State Highway tasi agai i le Waikato Expressway ma i tala mai le Waka Kotahi, o uiga nei ua faia e nisi o avetaavale i le lē lava o le onosai i taimi na poloka ai femalagaiga a o faia pea auala.
O lea sa na o le tasi le lane e faaaoga e ituala uma e lua ma o le atili lē fiafia ai lea o le toatele.
Mai le Fletcher e ana le aufaigaluega, ua na o le atili faaopoopo ai o le taimi e faia ai auala ma o lana ia lava faamuamua o lana aufaigaluega ma e le fetaui le faia fua o tagata galulue o lea foi e fai a latou galuega.
Mai le Waka Kotahi, o se faanoanoaga aemaise o le toatele o i latou nei e galulue i poloketi nei o tagata lava e nonofo i nuu nei poo latou lava tuaoi.
