Ua tuuaia e Willie Jackson le minisita o mataupu tau Maoli, le Maori Development Minister i le toe faalataina e ia o ona lava tagata.
O le vaiaso nei na gaioi ai le faigamalo e faamuta le Maori Health Authority ma faavave ai ona pasi atu tulafono i le Maota, o se vaega o lana fuafuaga mo le uluai 100 aso, le 100 day plan.
O Jackson sa avea ma se tasi na iai i le faigamalo talu ai lea na faatuina ai lea authority poo le pulega lea sa lagolago malosi e tagata Maoli.
Fai mai Jackson o soo se tagata Maoli na manao i le fuafuaga lenei ma o se tulaga faamāina ua faia e Tama Potaka ma i latou o loo lagolagoina o ia.
O le tali a Potaka i le mataupu lea ua ia ta’ua ai o le toatele o le Kapeneta e aofia ai foi ma isi minisita Maoli o loo tutu faatasi i le faaiuga e faamuta le Maori Health Authority ma e pau le itu tāua o loo iai le popolega o minisita Maoli uma mo le soifua maloloina o tagata Maoli uma.
O le iuga o le palota e pei ona lipotia i le Newshub e 68 na palota e taliaina le faamuta o le Authority atoa ai ma le 54 na tetee iai.
Fai mai Potaka o loo taulai le latou vaai i manaoga o tagata Maoli.
