Ua tuuaia e Ausetalia Niu Sila, o ia lea o loo faatuai ai ona saoloto le feoai I le va o atunuu e lua
Saunoa le palemia o Ausetalia, Scott Morrison, o lea o loo faatalitali mai ia Jacinda Ardern ma lana faigamalo poo afea a saoloto ai le omai o tagata Ausetalia
Ua tuuaia ai e Morrison Jacinda, e le o manao e omai turisi Ausetalia e faaalu a latou tupe I Queenstown
O saunoaga nei a Morrison na sau I totonu o nai itula talu ona maea faalauiloa e le taitai o le National, Judith Collins lona finagalo ua tatau ia Niu Sila ona tatala ona faitotoa ia Ausetalia
Saunoa Collins, o lea e lelei le faaiuga a Ausetalia o loo faia I le taimi nei, e iloa loa ua maua komiuniti cases I Niu Sila taofia loa le saolotoga o tagata Niu Sila taunuu atu mo sina taimi le tumau, ma e mafai foi ona faataitai iai Niu Sila
Ae mai le tamaitai palemia, Jacinda Ardern, o le toe foi mai o le Koviti I tua I le komiuniti faatoa uma atu lea e pei ona toe tosoa I tua fuafuaga na muai faailoa mai e ono amata lenei saolotoga e le I uma le masina lenei o Mati, ma e le gata foi la ia Niu Sila ae faapea foi isi setete o Ausetalia
Ae mai le minisita o le Koviti, Chris Hipkins, e foliga mai e le vave tatalaina I totonu o lenei masina
Ma afai ae tuai atu Niu Sila ua saunoa Morrison, o le a o loa tagata Ausetalia I isi nofoaga
