Tuua e nisi au galulue faavaitaimi Samoa mo Ausetalia

O le amataga o le vaiaso na faatumulia ai le malae vaalele faavaomalo a Faleolo i aiga , uo ma e masani a i latou ua maua avanoa e galulue ai i totonu o Ausetalia e faamavae atu ai i o latou tagata a’o tuua ai Samoa mo galuega faavaitaimi.

O le vaega muamua lenei o le to’a 300 lea ua faamanuiaina i galuega faavaitaimi i totonu o Ausetalia.

I ripoti a le Samoa Observer na taua ai, le lolofi atu o aiga o i latou o le a malaga i Ausetalia e faatofa ma ave upu tima’i aua lo latou nofo saoglaemu ai i ia atunuu.

O nisi na vaaia le loimata maligi ona o le uluai taimi o le a tuua ai aiga, aemaise o taitoalua ma fanau.
Taua e nisi o le au galulue faavaitaimi “ o avanoa faaauro lenei o le a galulue malosi i Ausetalia aua le tausiga o aiga ma fai foi so latou sao i le atinaega o Samoa.”

E pei ona silafia o le polokalame lenei a le RSE Scheme lea ua tele ina manuia ai aiga ma fesoasoani ai i le tele o faalavelave ae le gata i lea o mea fai a Ekalesia.

O le isi vaega o lenei au galulue i galuega faavaitaimi o le a tuua Samoa i le Aso Faraile 18 o Iuni mo Ausetalia lava e gaLulue lea i faatoaga.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required