samoa Airways

Tuu atu se fautuaga faaletulafono i le Mālō faatatau i le vaalele a le atunuu

Ua tuuina atu e le Latu Lawyers se fautuaga faaloia i le Mālō i le mataupu o le taofia ai o le lisi o le vaalele a le atunuu le Samoa airways e faapea o lenei mataupu e tatau ona faatino i aiaiga o le mafai e le Kapmupani vaalele ona ausia tulaga tau tupe. 

Na faatuatusi le fautuaga a le Latu Lawyers agai i le Minisita o le Samoa Airways le afioga Leatinuu Wayne Sooialo e faailoa ai nisi o auala e ono uia e le Mālō ae le’i agai e aloaia le aveese o le lisi o le vaalele.

O le amataga o le masina nei na faailoa ai e le tamaitai Palemia afioga Fiame Naomi Mataafa e faapea ua autasi le Kapeneta e faamuta le lisi o le vaalele 737-800 Samoa Airways ma faatonuina se suesuega faapitoa i tupe a le Kamupani vaalele ma lona lumanai. I le faatino ai o lea vaega taua e Fiame e totogi lava e le Mālō le $180 miliona o le lē taunuu o le maliega ma le Kamupani na lisi mai ai lea vaalele i le masina o Fepuari peitai talitonu le Palemia e talafeagai atu le totogi o lea sala tupe nai loo le faaauau pea ona togitogi ae o loo feagai le Kamupani ma le gau.

I pepa o faamaumauga na ripotia e le Samoa Observer na faailoa ai le fingalo o Taulapapa Heather Latu e toe silasila i se isi manatu faaletulafono o loo tuuina atu e le Lithuanian Law Firm i luga o le lisi o le vaalele. 

I se isi manatu ese na tuuina i le Mālō i aafiaga o le lisi na taua ai e le Latu Lawyers e ono iai nisi o faaaliga faaletulafono ma tulaga lamatia tuusa’o  mai le Samoa Airways e faaauau ai ona faatino le lisi. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required