Tuu atu pea le faatuatuaga a le FAST i le faamasinoga

E ui i le malelega a le Ao o le Malo lea na taua ai e leai se malosiaga a le faamasinoga e tauaofia ai le Palemene o loo tuu atu pea le faatuatuaga a le vaega faaupufai a le Faatuatua i le Atua Samoa ua Tasi i le faamasinoga e na te faia faaiuga e taiala ai Samoa i nei taimi faogata o ana faigaupufai.

I le faaiuga a le faamasinoga maualuga na tuuina mai i le Aso 28 o Iuni 2021 na iai ma se poloaiga ina ia tauaofia le Palemene i totonu o le 7 aso amata atu i le aso o le faaiuga.

Peitai i le itula e 10 i le afiafi o le Aso Sa na faasalalauina mai ai le poloaiga ma le malelega a le Ao o le Malo afioga Tuimalealiifano Vaaletoa Sualauvi II e faapea o le a tauaofia le Palemene i le Aso 2 o Aukuso 2021 ma e na’o ia lava e iai le malosiaga e valaau ai le fono aoao o le Palemene.
O se mataupu na fesiligia ai le FAST mo so latou manatu, taua e Fiame i le Samoa Observer e faalagolago lava le FAST i le faamasinoga i leisi laasaga o le a agai ai ma o le a le tuu maia sana tali e faatatau i le poloaiga a le Ao o le Malo.

Taua e Fiame e faatali lava le FAST i le faamasinoga poo fea o le a agai iai i le 7 aso lea e tatau ona tauaofia ai le Palemene. “A tou faalogo i le poloagoa a le Ao o le Malo o loo faia faasaga i le faamasinoga o le a faatali la matou i se tali mai le faamasinoga”.

I le faaiuga a le faamasinoga i le Aso 28 o Iuni na faapea ai foi afai ae maea ifo le 7 aso e le’i tauaofia lava le Palemene o le a molia loa soo se tasi e taumafai e faalavelavea le faaiuga i lalo o le contempt of court.

I se faatalatalanoaga foi a le Palemia o le Malo Tausi Tuilaepa Lupesoliai Sailele Malielegaoi i le vaiaso nei na ia taua ai “e le mafai ona tauaofia se palemene pe a lē atoa sui usufono o le Palemene ma e le mafai foi ona fai e se isi lava le faatautoga ua na’o le Ao o le Malo”.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required