O lea ua tele ina tutumu falemai o Aukilani, ma ua sau ai tala e vave te’a gasegase faamaonia ua maua i le Koviti
O se suiga lea ua faia ao tau fetuunai ai le faatumulia o falemai a Aukilani faapea nofoaga faanofoesea
Tala a le Newshub, o lea e le i sau se faasilasilaga faalauaitele o lea suiga, peitai ua faatonuina e le Auckland Public Health tagata galulue i falemai e ono mafai ona te’a i tua mai le falemai case faamaonia pe a mafai ona usitaia le taumafai e aua nei pipisi atu i isi tagata le faamai o loo maua ai
Molimau ai Dr Bryan Betty o le Royal NZ College of GPs, o le system lea ua iai ona o le maualuga o le fuainumera o cases ua iai nei, ma afai ae faaopoopo pea o lona uiga o le tulaga lava lea o le a alu ai, ma o se suiga foi o loo vave tele lona ofi mai fua i le pepesi o le faamai
Lapatai ai ma Dr Betty, o se taimi e le o toe mamao ono faamatuu mai se isi vaega i fomai poo GPs latou te vaaia
O gasegase o loo mafai ona tuua le falemai, o i latou o loo mafai ona momolia e se tasi o tagata o lona aiga na maua muamua; o gasegase o loo mafai lava ona ave le taavale poo le mafai foi ona momoli e le ambulance ma o loo taitoalua e le aufaigaluega o loo malu puipuia e ala i le faia o PPE
Ese mai i falemai, o le tulaga foi lea o loo iai nofoaga faanofoesea ma o lea ua faanofoesea ai nisi o positive cases i o latou lava fale
