Ua faamaonia mai e leoleo le tutuli ai o fanau aoga ia sa fufusu i Tufuiopa i le vaiaso nei.
O se ata na tuuina i luga e nisi o le atunuu na faailoa ai ia fusuaga. Ua faailoa mai e le alii komesina le feiloaiga a leoleo ma uluaoga o kolisi o Maluafou ma Leififi, ma o loo faailoa ai lo latou finagalo ina ia saogalemu fanau a le atunuu.
E lei iai se isi ua molia i lea mataupu, na pau le tulaga ua faailoa ua lē o toe aooga atu fanau nei na aafia i fusuaga i kolisi e lua ua ta’ua.
Ua toe faamanatu mai ai foi e le matagaluega o leoleo e lē o se tulaga lelei le fufusu o fanau o loo iai le faamoemoe e tuuina atu i aoaoga mo se lumanai manuia, peitai e lē ‘alo foi le tulafono pe a solia.
O le tuualalo a le Matagaluega ia faamuamua le aoga ma ia tausia le filemu i le va o aoga i le atunuu.
