Search
Otago Boys' High School

Tutuli le to’atolu ona o le faaoolima i se tasi o tamaitiiti aoga 

To’atolu fanau aoga ua tutuli mai se tasi o aoga maualuga i Otago ona o le faaoolima i se tasi o tamaititi aoga i totonu o le falelēta’ua a le aoga. 

O lea faaoolima na tupu i le aoga maualuga a Otago Boys i le Aso Lulu o le vaiaso talu ai ma sa pu’eina ma mulimuli ai toe faasoa i luga o le social media. 

I lea ata video o loo maua ai le maua i le tulimanu o lē na aafia a o faaauau ai pea ona fasi, ma o loo maua mai ai foi na ia toe ofoina atu lana ato tupe ina ia oese ai. 

Mai le aoga ananafi na faamaonia mai ai o lea ua tutuli uma le to’atolu na faia, ma o lea foi ua toe foi atu lē na aafia i le aoga.  

Ua i aao o leoleo lenei mataupu ma o loo su’esu’eina i latou na toe faasoaina online. 

Ua aga’i foi le aoga i le Netsafe i se faiga e aveesea ai lea ata video. 

Mai le sui o le pulega ua avea le mea na tupu ua toe vaavaai ai foi ua moomia le faamalosia o tulafono i le faaaogāina o masini komepiuta aemaise lava i le puipuia o lagona o fanau aoga faapea lo latou saogalemu. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required