O loo tutu malosi taitai Pasefika ia mautinoa e le o se system e fua tasi ae ia tauaofai uma ai 
O lea ua faagasolo tapenaga o le system fou a le Health New Zealand lea o le a pulea le system a le matagaluega o loo iai I le taimi nei, ma o le pulega foi lea o le a suitulaga I district health boards e 20 
O se suiga ua sau I le taimi o loo matuai moomia e le komiuniti Pasefika lea ua faitau tausaga o ui I le faaitutasi ma o se itu ua faatetele I le taimi o le Koviti 

Molimau Dr Api Talemaitoga o se tasi o fomai faaleaiga I Aukilani ma o ia foi o le faatonu o le Pasefika GP Network I tala a le leitio a Niu Sila, e le o mama ia te ia ma o ia foi o se sui o loo tu malosi ina ia mautinoa le lava tapena o le system fou aemaise o le lagona o manaoga o tagata Pasefika 
Taua e Talemaitoga o le tele o itu na lape ai le auaunaga I taimi ao feagai ma le faamai, o le le lagona o finagalo mai le toatele o taitai Pasefika I totonu o le soifua maloloina, peitai o lea sa fai tasi tonu 
O nisi o manatu e le gata na aafia ai ma telegese le faiga o tui puipui o le Koviti mo tagata Pasefika ao le tuai ona faamatuu mai o tupe mo galuega 

Mai ia Gerardine Clifford Lidstone o le faatonusili o le soifua maloloina o tagata Pasefika I totonu o le matagaluega, ua ia ioeina o loo silafia e le matagaluega le faaituau o loo iai le system 

O le faaleo o finagalo o tama fanau Pasefika o loo taitai I totonu o le soifua maloloina o loo iai le naunautaiga ia mafai ona lagona tagata Pasefika ma ia tapue ao faia ai faaiuga o le system fou a le pulega fou o le soifua maloloina a Niu Sila