electronics stolen
Photo: Police

Tusa ma le $40,000 tau o masini komepiuta gaoia mai aoga i Aukilani 

Tusa ma le $40,000 tau o masini komepiuta gaoia mai aoga I Aukilani, ma e le toatasi ua maua ma ua molia
Tolu aoga I Aukilani I sisifo o loo masalomia e anaina le tele o masini komepiuta na maua e leoleo I a latou suesuega, ma o nei masini uma na maua mai I le fale I Kelston

I suesuega faaauau o lea foi ua fetauaina ai le suesue o se tasi o pisinisi I Avondale I le vaiaso nei ma o lea ua tuuina atu iai pepa faamaonia mo sailiiliga poo le search warrant

Mai le sui o le ofisa leoleo, o le 70 masini laptops, tablets ma isi ituaiga masini o loo masalomia o ni meatotino gaoi uma mai aoga eseese I Aukilani

Ma ao suesue ai lea pisinisi ua maua ai foi e leoleo ma faamatalaga e suesue ai le isi fale I Glendene, ma ina ua o iai leoleo na maua mai ai le tusa ma le $100,000 tupe pepa

Mai le fale na maua ai tupe I Glendene ua molia le tama 41 tausaga le matua, ao le fale I Kelston na maua mai ai masini komepiuta ua molia le tama 36 tausaga

O loo faaauau pea suesuega a leoleo, ma o lea foi ua vaavaai e toe faafoi masini I e ana

Scroll to Top

Keep uptodate with Radio Samoa activity & promotion

* indicates required