Faitau afe na tumutumu i le malaevaalele i Aukilani i le Aso Toonai mo galuega.
I totonu o le ulua’i itula talu na tatala faitoto’a o le Job Fair i le Aso Toonai, ae pe tusa ma le 900 tagata ua ulufale.
Silia ma le 3,000 avanoa faigaluega mai le silia ma le 30 fale faigaluega, ma o se aso e le’i toe iai se faatali mo nisi o pulega ae na amata faafaigaluega ai lava ma nisi o tagata na maua i lea aso.
O nisi foi o pulega e iai suiga ua taumafai ia faafaigofie ma ia vave le faagaioiga ina ia amata faafaigaluega i latou na maua i le Aso Toonai i le vaiaso nei.
O le Ea Niu Sila lava ia na o i latou, e tusa ma le 1,000 avanoa faigaluega na faasalalau i lea aso.
E lē o toe faigofie le sailiga o tagata faigaluega i lenei taimi e pei ona molimau ai nisi o fale faigaluega ua silia ma le lua masina o aumai tagata mai Ausetalia ona o le utiuti o le aufaigaluega
