Masinalupe Makesi Masinalupe
Masinalupe Makesi Masinalupe

Tumau le tulai o Masinalupe i le tofi o Lefaga ma Faleaseela

O le taeao nei na tatala ai tua le tagi a Su’a Tanielu Su’a sui o le HRPP faasaga i le sui faipule filifilia a le FAST ia Masinalupe Makesi Masinalupe ma ua faatuamuina ai loa le tulai mai o Masinalupe i le tofi o Lefaga ma Faleaseela.

Taua e Masinalupe le lagona o le fiafia ma le faagaeetia ina ua i’u manuia le faamoemoe na galulue ai. “ E momoli le faafetai faapitoa i si o’u Itumalo, faafetai le onosai, faafetai le tapua’i ae le gata i lea faafetai i le tou nofo tatalo”

Na faafetaia foi e Masinalupe le tapuaiga a le faigamalo filifilia, le tamaitai Palemia filifilia Fiame Naomi Mataafa ma lana kapeneta.

Taua e Masinalupe “ Ou te faafetai foi i le afioga ia Su’a, faafetai le tōfa  lea ua tō mai se matūpalapala oute tauaveina le tofi o le ta itumalo, faafetai mo faamanuiaga”

O Masinalupe o le uluai taimi lenei ua tauva ai i upufai o malo ma lea na manino le mamao o lana manumalo i le faigapalota i le Aso 9 o Aperila i palota e 884. Na ia taua o le talosaga muamua lava mo lona itumalo pe a manino le tulai mai o se faigamalo a Samoa o se falemai lea ua savali i le 40 tausaga o talosaga pea.

O Masinalupe e 59 tausaga le matua, ua faaipoipo ma e toalima si la fanau.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required