Search
Tuilaepa Lupesoliai Sailele Malielegaoi
Taitai o le Ituagai - Tuilaepa Lupesoliai Sailele Malielegaoi

Tumau le manatu o Tuilaepa e na’o le Ao o le Mālō e faatautoina sui o le HRPP

O se feiloaiga a le taitai o le vaega faaupufai e Puipuia Aiā Tatau o tagata le HRPP susuga Tuilaepa Lupesoliai Sailele Malielegaoi ma Tusitala na ia faamanino ai e tumau lona manatu ua na’o le Ao o le Mālō e faatautoina sui filifilia o lana vaega faaupufai. Ua faaalia e Tuilaepa e pau lea o le tulaga aloaia faaletulafono.

 O le Aso 24 o le masina o Me na maea ai le 45 aso o loo aiaia i le faavae e tatau ona usuia ai le fono o le palemene e faatautō ai sui na manumalo o itu faapalota e 51 i le faaiuga o le palota tele ia Aperila.

Ua na’o sui faipule e 26 a le FAST na faatautō i lalo o le faleie ina ua loka faitotoa o le maota fono o le palemene ina ua lē auai atu le afioga i le Ao o le Mālō ma nisi e faia le sauniga o le faatautoga.

Ua aloaia foi lea faatautoga i le faaiuga a le faamasinoga o talosaga apili peitai e le’o le talitonuga lea ma le finagalo o le taitai o le vaega faaupufai a le HRPP.

Taua e Tuilaepa “ O le Ao o le Mālō lea matou te mananao ai, e Sili atu ona mamalu mo matou, o leisi mea ua leiloa poo le a le faavae lea e sau ai, ua leai se faavae.

O le i’oimata o le faavae o le Ao o le Mālō, matuā leai a se faaaloalo i le Ao o le Mālō”. Peitai o tulaga masani i ni taimi e tauaofia ai le Palemene i aiaiga o le faavae e faatauto e le Ao o le Malo le Fofoga Fetalai ona faatauto ai lea e le Fofoga Fetalai o sui usufono uma o le Palemene.

O loo tālia nei se faaiuga a le afioga i le Fofoga Fetalai filifilia o le Palemene le susuga Papalii Li’o Taeu Masepa’u pe faatautō sui filifilia o le vaega a le HRPP pe a usuia le Palemene i se aso o le masina fou o Setema pe o le a toe foi Loa e fai palota laiti a ia itumalo aua o le taimi nei e le’o aloaia faaletulafono ona e le’i auai i le faatautoga na faia i le Aso 24 o Me na maea ai le 45 aso o loo aiaia i le tulafono faavae.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required