O loo mataitu nei e le faalapotopotoga o le soifua maloloina a le lalolagi poo le WHO seisi strain fou o le omicron lea e foliga e 10 pasene e sili atu ai ona vave ona pipisi nai lo le BA2 , leisi ituaiga o le omicron lea e pepesi I Niu Sila nei.
Taua e lipoti mai le ZB o le strain lea faaigoaina o le XE, na muai aliae i le United Kingdom I le aso 19 o Ianuari ma e silia ile 600 tagata na lipotia na aafia ai talu mai lea taimi.
O le taeao nei foi sa faia ai se saunoaga a le palemia I le RNZ e faapea e lei vaai Niu Sila ile faaiuga o le omicron. Fai mai Jacinda o le tatou wave poo le galu muamua lea o le faamai ma e le o le lasi foi lea. E ui la I lea faamatalaga mai le WHO peitai fai mai a latou o loo manaomia pea faamaoniga.
O le XE e iai faatasi I le kulupu lea e iai foi le omicron ma ua faailoa e le WHO o le latou matafaioi lea o loo faia o le tulimataia o lamatiaga e aumaia e ituaiga variants eseese o le faamai ma o le a tuuina mai sa latou lipoti pe afai ae faamaonia.
