home quarantine
Photo: Dimitri Otis/Getty Images

Tulimata’i e tagata le faanofoesea i aiga

O se tasi o faamoemoe o loo tulimataia pea e tagata I le taimi nei o le faataitaiga lea o le faanofoesea I maota ma laoa ese mai I le faanofoesea i nofoaga faanofoesea poo le MIQ.

O le aso ua taua ai I se lipoti mai le Stuff ua sauni nei le  faataitaiga lea o le a faataga ai se vaega itiiti o tagata malaga faapisinisi e faanofoesea I o latou fale pe a fo’i mai mai atunuu I fafo.

O le vaiaso nei na folafola ai e le Palemia Jacinda Adern le tatalaina o le faailoa o finagalo e auai ai I le faataitaiga lea, self isolation pilot ma le faamoemoe e tatau ona faataunuuina uma faataitaiga mo le faanofoesea mai faigamalaga faavaomalo a’o le’I o’o I le Kirisimasi o le tausaga nei.

O le faataitaiga lea poo le trial o le a faataatia ai ma le alafua mo se polisi e faatatau I tuaoi o le atunuu I le agai atu I le tausaga fou ma o le a aveesea ai ma le manaoga e agai tagata I nofoaga faanofoesea I faletalimalo ma nofoaga o loo faatonutonuina (MIQ).

Fai mai Adern e ui o le faiga lea ua nao se faataitaiga ae o le a maua ai ma le ituaiga lagona poo fea o le a agai iai fuafuaga  ale atunuu I ona tuaoi ma ni vaega e avanoa mo le toe fo’i mai o tagata ile atunuu ma faamama ai le avega I nofoaga faanofoesea I le lumanai.

O lea faatatau na muai faalauiloa e le palemia I sana saunoaga I le masina o Aokuso pei ona faailoa foi I talafou ma o le Matagaluega a le Palemia ma le Kapeneta o loo faatulagaina lenei faiga atoa ai ma le Matagaluega o Pisinisi ma Galuega.

O I latou o le a auai I lea faataitaiga e tatau ona toe taliu mai I le atunuu I le va o le aso 30 o Oketopa ma le aso 8 o Tesema ina ia mafai ai ona agai ese ma nofoaga o le a faanofoesea ai I le aso 22 o Tesema.

E nao le 150 tagata o le a mafai ona auai I le faataitaiga, I latou o loo faimalaga mo galuega mae tatau ona avea o ni sitiseni o Niu Sila pe nofomau foi ma ua maea ona faia uma tui puipui  o le Pfizer.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required