Tulai le taitai o le ekalesia ole Destiny, Brian Tamaki i luma o le faamasinoga faaitumalo I Aukilani I le aso faaaogaina ai fesootaiga faaonaponei I le video link ina ua fetauaina e leoleo ua solia aiaiga o lapataiga o le vavao I lona vaega tolu e ala I le faia o se solo tetee faasaga I le vavao.

O loo taua I le One news o leisi foi sui o le Destiny church o Paul Thompson sa tulai foi I le faamasinoga ma tau fai teenaai moliaga o le tuufaatasia ma le auai ai ise tetee I le aso 2 o Oketopa, lea na vaaia ai le peama le afe o tagata na auai ai ile Auckland Domain.

Mai le lipoti ua taua ai le poloaina e le faamasino o Brooke Gibson ina ia usitaia soo se manaoga o lapataiga o le koviti 19 e aofia ai ma le le toe auai pe tuufaatasia o seisi tetee. Ua le toe faatagaina foi lo la faaaogaina o le initaneti e faatulaga ai pe faaoso ni tulaga e le usitaia ai manaomiaga e pei ona folasia.

Afai ae faamaonia ile solia o aiaiga o Tulafono o le Koviti 19 ma poloaiga tau le soifua maloloina, e ono faasalaina I le oo atu I le ono masina ile falepuipui ma le salatupe e 4 afe tala Niu Sila.