E lei mae’a suesuega ma faamautu moliaga a leoleo, o le mafuaaga lea ua lē tuuina atu ai se tali a le tama matua o Aitauia Ioasa Lemau, o loo nofo taofia i le vaaiga a leoleo ona o le gaioiga na tulai mai i le nuu o Lefagaoalii na saisai ai lima ma vae o se matai matua ona amo lea i totonu o le nuu.
O loo taofia Aitauia Ioasa Lemau i le moliaga o le taumafai e faaoo le maliu le attempted murder, peitai e faatoa mautu moliaga a leoleo pe a toe valaau lenei mataupu i le isi vaiaso o muamua nei.
O loo faaauau pea ona nofo taofia lē ua molia i le vaaiga a leoleo i le falepuipui i Tanumalala.
O le mataupu lenei o loo molia ai foi nisi o matai ma taulelea o le nuu na tulai mai ai le gaioiga na faatino i le tamā matua o Sooalo Manu.
O latou moliaga o loo valaau i le faamasinoga faaitumalo i Tuasivi i Savaii.
