O le asō ua tulai ai i luma o le faamasinoga i Vitoria le teineititi 12 tausaga lea ua molia i le fasiotia o se tamaitai e 37 tausaga le matua.
Faailoa e leoleo o lea tamaitai na maua atu ua maliu ae o loo iai manu’aga mai se naifi tulou i se fale i Footscray i le vaveao o le Aso Tofi.
E lē mafai ona faailoa le igoa o le teineititi ona o tulaga faaletulafono ma o le faamasinoga i le asō na talosaga ai le loia o loo feagai ma le suesueina o le mataupu mo se isi ono vaiaso mo sina taimi e faatino ai le suesuega a leoleo ma faatalia iuga o nisi o suesuega faasaienisi sa faia.
Ua faailoa mai ua taofia pea le teineititi i le vaaiga a leoleo ma e toe tulai i le faamasinoga i le aso 24 o Novema.
