Tulai i le faamasinoga i le asō lē ua molia i le maliu o Lena Harrap

O le aso ua fuafua e tulai ai I le faamasinoga se alii e 31 tausaga ua molia I le fasiotia o si tamaitai o Lena Harrap lea na tau sailia talu ona agai I sana savaliga I se faaitu o Aukilani I le lua aso talu ai.

Ua faamaonia mai e leoleo na pueina le alii lea ma o le a tulai I le faamasinoga faaitumalo I Aukilani e tali I moliaga ia.

O le tino maliu o sia tamaitai na aafia na maua I se nofoaga e le mamao ese ma lo latou fale I Mt Albert I le maea ai o lana savaliga e masani ona faia I aso taitasi pei ona faailoa e le Herald. Fai mai leoleo e faafetaia le fesoasoani a le mamalu o le atunuu I le mataupu lenei ina ua talosagaina nisi e silafia ni faamatalaga I lea maaupu.

I le iuga o suesuega na faia a leoleo ma faamatalaga na tuuina ane mai tagata na maua ai le alii lea I se taavale I Papatoetoe ma pueina ai loa.

O loo faaauau pea suesuega a leoleo e ui e le o iai seisi tagata o toe sailia I le taimi nei. O le taavale lanu paepae o le Hyundai station wagon ma le laisene EGZ962 o loo fia maua iai ni faamatalaga e leoleo pe a silafia e nisi

Faao’o faamaisega I le aiga o si tamaitai o Lena mai le Aucklands Down Syndrome and Star Jam Community aemaise ana uo ma le lautele i le faaitu lea ona o le faalavelave ua aafia ai le soifua o sia tamaitai talavou.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required