Search
Photo Credit: NZ Herald

Tulai i le asō i le faamasinoga le tagata ua molia i le faalavelave i Gisborne ua maliliu ai tagata e toalua

O le asō ua fuafua e tulai ai i le faamasinoga se alii e uiga i le vevesi na tulai mai i se aso fanau 21 sa faia i Gisborne fai mai pe ā ma le 100 tagata na aofia ai i le faaiuga o le vaiaso ma ua maliliu ai tagata e toalua.

O le suesuega i lenei faalavelave ua amatalia ma e toatolu tagata ua lipotia o loo manunu’a tigaina ai.

E toalua alii 21 ma le 45 tausaga o loo tigaina ma le isi e 30 tausaga o loo tigaina foi.

O le tagata ua fuafua e tulai i le faamasinoga e 29 tausaga le matua ma ua molia i le faaoolima faamoemoeina ua mafua ai manu’aga.

O le faamatalaga a leoleo i le mataupu lenei e faapea o loo faagasolo le suesuega ae ua ta’ua i nisi lipoti o le vevesi na mafua ina ua ulufale nisi tagata se toalua i le aso fanau lea a lei valaauliaina.

Ta’ua e leoleo o se faamoemoe sa tatau ona fiafia ai ae ua tele foi le avamalosi ma iu ai ina avea o ni mafatiaga mo nisi na aafia.

Ua ta’ua i le lipoti na iai ni sui o se kegi na iai i le taimi o le vevesi ae lē o se mataupu tau kegi na tulai mai ma o loo faaauau suesuega.

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required