I se lipoti mai taaloga o le Commonwealth o loo tulaga lelei lava le autaalo a Niu Sila ma manumaloina foi pine faaopoopo mo le atunuu e lē gata i taaloga i le velodrome faapea foi ma le tuuga ‘aau.  

O le ‘au vili uila a Niu Sila na mauaina e le tamaitai o Ellesse Andrews le pine auro i le vaega na tausiniō ai faapea foi Aaron Gate i le itupa o alii. I le netipolo na manumalo le ‘au a Niu Sila ia Malawi i le la fetauiga 69-50 ma ua tulaga tutusa ai ma Egelani i le pulu o loo iai. 

O le taimi nei o loo iai Niu Sila i atunuu e lima pito i luga i ia tausinioga o loo faaauau pea i Birmingham. Faatalia foi isi taaloga o loo tausiniō ai le autaalo a Samoa lea ua maua le pine siliva mai le  siisii uamea mamafa.