Photo: sbs.com.au

Tulaga lelei feiloaiga a taitai o Ausetalia ma Niu Sila

Fai mai le palemia o le atunuu Jacinda Adern o se tulaga lelei le fesagaiga ma le palemia o Ausetalia, Scott Morrison lea ua toe malaga ese ma le atunuu mae manatu o le talanoaga sa faia e penefiti ai atunuu uma e lua.

O le feiloaiga a taitai o atunuu e lua sa faia I Queenstown ma sa talanoaina ai mataupu e faatatau I le nonofo ai faavaomalo male mataupu I le ANZAC.O isi mataupu e aofia ai fesuiaiga I le tau , tulaga tau fefaatauaiga ,ma le puipuiga aemaise ai o le faia o tuipuipui I atunuu o le pasefika atoa ma le puleaina o tuaoi.

O le tausaga nei e talimalo ai NIuSila I le fonotaga a le APEC e faia i luga o fesootaiga faaonaponei ma ua valaaulia ai foi e Adern le palemia o Ausetalia e toe malaga atu ai i Niu Sila mo lea faamoemoe.

Fai mai Morrison ua fiafia ua malaga mai I Niu Sila ma o le a lagolago foi e Ausetalia Niu Sila I le fonotaga a le Apec ma ia faailoa foi o tamaoaiga o atunuu e lua vavalalata fesootaiga. Ua malilie foi o le a fesoasosani i atunuu o le pasefika ile faagasologa o le faia o tuipuipui o le faamai.

LAUILOA

Keep uptodate with Radio Samoa activity & promotion

* indicates required