O le faaliga o moli e faia i tausaga taitasi i Sini, le Vivid Sydney Light Festival lea ua faagasolo i le taimi nei o se tasi lea o faamoemoe tāua i tulaga tau i mataaga mo tulisi ma tagata tafafao maimoa.
O le tausaga nei ua iai mea ua faaopoopo e aofia ai le silia ma le 50 o nofoaga ua teuteuina faapitoa i ituaiga moli eseese i le ogatotonu o Sini mai le faaiuga o le vaiaso talu ai seia oo lava i le aso 17 o Iuni e faamae’a ai.
O le 13 ai lenei o tausaga o lea faamoemoe ma o le togalaau lauiloa le Royal Botanical Gardens faapea foi Darling Harbour ma le The Rocks o nisi ia o vaega ua mātele ona agai iai maimoaga i lenei tausaga.
Ua faailoa mai e i latou o loo tuufaatasia lenei festival o le uluai weekend o le Vivid i le tausaga nei toeititi ‘afa miliona o tagata na faamauina na agai atu iai ma o se tausaga ese la lenei i le festival talu ona amata faamanatuina.
Ua faailoa foi e le minisita o Tulisi, John Graham e fā pasene ua siitia ai le aofai o tagata maimoa i le fesitval i lenei tausaga pe a faatusa atu i le uluai weekend o sauniga faamanatu o le Vivid i le tausaga talu ai 2022.
