O nisi o tulafono fou e faatatau ile taumafa tapaa e amata faamamalu ile vaiaso nei. O le fuafuaga ina ia puipuia tamaiti i totonu o taavale mai le taumafa tapaa. Faailoa e le Stuff I ana lipoti e ono moomia le fesoasoani ile au taumafa tapaa ina ia taofia ai lea tulaga ia pe faatali foi seia maea ona faafoe le taavale ona faatino lea.
O se suesuega sa faia ele kamupani ale Shosa ile atunuu, suesueina ai tagata e 3700 sa taumafa tapaa ma o loo taumafa tapaa pea lava, ma na iloa ai o le aveina o le taavale le mafuaaga taatele e mafua ai le fia tagofia e tagata o le tapaa.
Ole suia la o le tulafono e faatatau ile taumafa tapaa sa matele lava ina taliaina lelei e tagata pei ona faailoa I le lipoti e ui na iai foi nisi sa fesiligia nisi faamatalaga e tusa o le mataupu.O le fautuaga mai leoleo ia taumafai e sui le siosiomaga ile taavale e ala I le faamamaina o tulaga tau tapaa mai le taavale mao loo iai foi auaunaga faatalanoa e mafai ona fesoasoani e faamama le avega ma le taumafaiga ina ia faamuta le taumafa tapaa.
