Tele manufasi faatau atu I fafo a Niu Sila ua auina sao atu nei I Amerika ona o le tuai ona kilia o uta I le uafu a Saina

Ona o tapu a Saina o loo iai nei ua aafia ai ma le faagasologa masani o le taunuu atu ma le o ese o vaa lauoloa I Shanghai, ma e ui e le o tapunia le uafu I Shanghai peitai o le tele o siaki ma kilia e tatau ona faia ua avea lea ma aafiaga I le tele o vaa lauoloa

Mai le asosi o meat industry I tala a le TV1 o le tulaga faigata o le aafiaga o loo iai, e aafia loa Shanghai aafia uma ai ma le network
Ua faia ai ma le suiga vave e suia agai I Amerika aano o manufasi o loo auina atu I fafo a Niu Sila

Ae I nisi o kamupani o loo faatauina atu I fafo aano o manufasi mai Niu Sila, ua mafaufau o le a suia agai frozen meat ina ia aua ai nei faaletonu pe a umi ona taliga le kilia o vaa I isi atunuu

O le maketi I Saina, o le maketi aupito I lelei lea I le auina atu o aano o manu fasi a Niu Sila